INCIPIT QUAEDAM SUMMULA BREVIS
CONTRA HAERESES ET SECTAM
DIABOLICAE FRAUDIS SARACENORUM, SIVE ISMAHELITARUM.
Summa totius haeresis ac diabolicae fraudis sectae Saracenorum,
siue Ismahelitarum, haec est.
[1]
In primis primus et maximus ipsorum execrandus est
error, quod trinitatem in unitate deitatis negant. Sicque dum in una
diuinitatis essentia trium personarum numerum non credunt, in unitate
numerum euitantes, dum ternarium numerum inquam omnium formarum
principium atque finem, sicque rerum formatarum causam et originem
atque terminum non recipiunt, Deum licet ore confitentes, ipsum
penitus nesciunt. Ipsi autem deuii, ipsi uariabiles, principium
uarietatis et alteratis
[2]
omnis uidelicet
binarium solum in unitate confitentur,
[3]
scilicet ipsam
diuinam essentiam, et eius animam. Unde deum pluraliter loquentem
introducit suum Alcoran, quo nomine legem suam nuncupant. Et
interpretatur Alcoran ex Arabico, collectio praeceptorum. Illi autem
caeci Deum creatorem patrem esse negant : quia secundum eos nullus fit
pater sine coitu.
[4]
Christum itaque licet ex diuino
spiritu conceptum, Dei filium esse non credunt, nec etiam Deum, sed
prophetam bonum, ueracissimum, omnis mendacii atque peccati immunem,
Mariae filium sine patre
[3]
genitum, nunquam
mortuum : quia morte non est dignus. Imo cum illum Iudaei interficere
uellent, de manibus eorum elapsum ascendisse ad astra : ibique nunc in
carne uiuere in praesentia creatoris, usque ad aduentum Antichristi.
[5]
Quem, dum uenerit, Christus idem gladio
suo uirtutis interficiet, et Iudaeos residuos ad legem suam
conuertet :
[6]
Christianos autem, qui iam a longo tempore legem eius atque euangelium
perdiderunt, tum propter eiusdem discessum, tum etiam propter
Apostolorum atque discipulorum mortem, legem suam perfecte docebit. In
qua omnes Christiani, sicut et illi primi sui discipuli saluabuntur.
[7]
Cum quibus simul et omnibus creaturis Seraphim,
quem ipsi dicunt archangelum unum, sonante buccina morietur et ipse
Christus : postea resurrecturus cum caeteris, et ad iudicium suos
ducturus, eisque auxiliaturus, sed nequaquam iudicaturus. Deus enim
solus iudicabit : Prophetae uero et legati singuli cum suis et pro
suis intercessores aderunt, et auxiliatores. Sic enim docuit eos
miserrimus atque impiissimus Machumet, qui omnia sacramenta
Christianae pietatis, quibus maxime homines saluantur, abnegans, iam
pene tertiam humani generis partem, nescimus quo Dei iudicio,
inauditis fabularum deliramentis diabolo et morti aeternae
contradidit.
[8]
De quo quis fuerit, et
quid docuerit, propter eos qui librum istum lecturi sunt, ut scilicet
quod legerint, melius intelligant, et quam detestabilis tam uita quam
doctrina ipsius extiterint, sciant, dicendum uidetur. Putant etiam
quidam hunc Nicolaum illum, unum ex septem diaconibus primis
extitisse, et Nicolaitarum ab eo dictorum sectam, quae et in
Apocalypsi Ioannis arguitur,
[9]
hanc modernorum
Saracenorum legem existere. Somniant et alii alios, et sicut lectionis
incuriosi, et rerum gestarum ignari, sicut et in aliis casibus, salsa
quaelibet opinantur. Fuit autem iste,
[10]
sicut etiam Chronica ab Anastasio Romanae Ecclesiae bibliothecario de
Graeco in Latinum translata apertissime narrat, tempore imperatoris
Heraclii, paulo post tempora magni et primi Gregorii Romani pontificis
ante annos quingentos fere et quinquaginta,
[11]
[12]
Arabs natione, uilis genere, antiquae
primum idololatriae cultor, sicut et alii Arabes tunc adhuc erant,
ineruditus, nullarum pene literarum. Strenuus in secularibus, et
calliditate multa de ignobili et egeno in diuitem et famosum
prouectus. Hic paulatim crescendo, et contiguos quosque ac maxime
sanguinis propinquos insidiis, rapinis, incursionibus frequenter
insistendo : quos poterat furtim, quos poterat publice occidendo,
terrorem sui auxit. Et saepe in congressionibus factus superior, ad
regnum suae gentis aspirare coepit. Cumque uniuersis pari modo
resistentibus, eiusque ignobilitatem contemnentibus, uideret se hac
uia non posse consequi quod sperabat : quia ui gladii non potuit,
religionis uelamine, et diuini prophetae nomine rex fieri attentauit.
Et quia inter barbaros barbarus, inter idololatras et ipse idololatra
habitabat, atque inter illos, quos utpote prae cunctis gentibus tam
diuinae quam humanae legis expertes et ignaros, faciles ad seducendum
esse nouerat, conceptae iniquitati dare operam coepit.
[13]
Et quoniam prophetas Dei magnos fuisse
homines audierat, prophetam eius se esse dicens, ut aliquid boni
simularet, ex parte illos ab idololatria, non tamen ad Deum unum, sed
ad suae, quam parturire iam coeperat, haeresis fallaciam, traducere
conabatur.
[14]
Cum interim
iudicio illius, qui terribilis in consiliis dicitur super filios
hominum, et qui miseretur cui uult, et quem uult indurat, dedit Satan
successum
[4]
errori, et Sergium monachum haeretici
Nestorii sectatorem ab Ecclesia expulsum ad partes illas Arabiae
transmisit, et monachum haereticum pseudoprophetae coniunxit.
[15]
Itaque Sergius coniunctus Machumet,
quod ei deerat, suppleuit, et scripturas sacras tam ueteris Testamenti
quam noui secundum magistri sui Nestorii intellectum, qui saluatorem
nostrum Deum esse negabat, partim prout sibi uisum est, ei exponens,
simulque apocryphorum fabulis eum plenissime imbuens, Christianum
Nestorianum effecit. Et ut tota iniquitatis plenitudo in Machumet
conflueret, et nihil ei ad perditionem sui uel aliorum deesset,
adiuncti sunt Iudaei haeretico. Et ne uerus Christianus fieret, dolose
praecauentes homini nouis rebus inhianti non scripturarum ueritatem,
sed fabulas suas, quibus nunc usque abundat Machumet, Iudaei
insibilant. Sic ab optimis doctoribus Iudaeis et haereticis Machumet
instructus, Alcoran suum condidit, et tam ex fabulis Iudaicis, quam ex
haereticorum naeniis confectam nefariam scripturam barbaro illo suo
modo contexuit.
[16]
Quod
paulatim per tomos a Gabriele, cuius iam nomen ex sacra scriptura
cognouerat, sibi allatum mentitus, gentem Deum ignorantem letali
haustu infecit, et more talium oram calicis melle linens subsequente
mortifero ueneno, animas et corpora gentis misere (proh dolor)
interemit. Sic plane ille impius fecit, quando et Christianam et
Iudaicam legem collaudans, neutram tamen tenendam esse confirmans, †
propriando
[17]
et repropriauit.
[18]
Inde
est, quod Moysen optimum prophetam fuisse, Christum Deum maiorem
omnibus extitisse confirmat, natum de uirgine praedicat, nuncium Dei,
uerbum Dei, spiritum Dei fatetur : nec nuncium, uerbum, aut spiritum,
ut nos, aut intelligit, aut fatetur. Filium Dei dici, aut credi,
prorsus deridet. Et de humanae generationis similitudine uaccinus homo
filii Dei aeternam natiuitatem metiens, uel gignere uel generari Deum
potuisse, quanto potest nisu, denegat et subsannat.
[19]
Resurrectionem carnis saepe replicando adstruit.
[20]
Iudicium esse in fine seculi non a Christo, sed a Deo
exercendum esse, non negat. Illi tamen iudicio Christum, ut omnium
post Deum maximum, ac seipsum ac gentis suae praesidium affuturum,
uesanit.
[21]
Inferni tormenta qualia sibi libuit, et qualia adinuenire
magnum pseudoprophetam decuit, describit.
[22]
Paradisum non
societatis angelicae, nec uisionis diuinae, nec summi illius boni,
quod nec oculus uidit, nec auris audiuit, nec in cor hominis
ascendit : sed uere talem qualem caro et sanguis, imo fex carnis et
sanguinis concupiscebat, qualemque sibi parari optabat, depinxit. Ibi
carnium et omnigenorum fructuum esum, ibi lactis et mellis riuulos, et
aquarum splendentium, ibi pulcherrimarum mulierum et uirginum
amplexus, et luxus, in quibus tota eius paradisus finitur,
sectatoribus suis promittit. Inter ista omnes pene antiquarum haeresum
feces, quas diabolo imbuente sorbuerat, reuomens, cum Sabellio
trinitatem abnegat : cum suo Nestorio Christi diuinitatem abiicit. cum
Manichaeo mortem Domini diffitetur, licet regressum eius non neget ad
coelos. His et similibus non acquisitionis, sed perditionis populum
imbuens, a Deo plenissime auertit. Et ne Euangelicus sermo ultra in
eis possit habere locum, uelut omnia quae sunt Euangelii et Christi
scientibus, cordium eorum aditum ferreo impietatis obice obturauit.
[23]
Circuncisionem insuper uelut ab Ismahele gentis illius primo
sumptam, tenendam esse docuit.
[24]
Et super haec
omnia, quo magis sibi allicere carnales mentes hominum posset, gulae
ac libidini frena laxauit. Et ipse
[5]
simul x et
octo uxores habens, atque multorum aliorum uxores uelut ex responso
diuino adulterans, maiorem sibi uelut exemplo prophetico numerum
perditorum adiunxit. Et ut non ex toto inhonestus proderetur, studium
eleemosynarum, et quaedam misericordiae opera commendat, orationes
collaudat. Et sic undique monstruosus, ut ille ait,
humano capiti
ceruicem equinam et plumas auium copulat
.
[25]
[27]
Qui quoniam
suadente iam dicto monacho, ac praefatis Iudaeis, idololatriam ex toto
et reliquit, et relinquendam quibus potuit persuasit, atque unum Deum,
deorum multiplicitate relicta, colendum esse praedicauit, hominibus
agrestibus et imperitis inaudita dicere uisus est. Et quia rationi
eorum haec praedicatio concordabat, propheta Dei primo ab eis
creditur. Dehinc processu temporis et erroris in regem ab eis, quod
concupierat, sublimatus est. Sic bona malis permiscens, uera falsis
confundens, erroris semina seuit, et suo partim tempore, partim et
maxime post suum tempus segetem nefariam igne aeterno concremandam
produxit.
[28]
Nam statim Romano
languescente, imo pene deficiente imperio, permittente eo per quem
reges regnant, Arabum uel Saracenorum hac peste infectorum surrexit
principatus. Atque ui armata maximas Asiae partes cum tota Aphrica, ac
partem Hispaniae paulatim occupans, in subiectos †
[29]
sicut imperium, sic et errorem
transfudit. Hos licet haereticos nominem, quia aliqua nobiscum
credunt, in pluribus a nobis dissentiunt : fortassis rectius paganos
aut ethnicos, quia plus est, nominarem. Quia quamuis de Domino uera
aliqua dicant, plura tamen falsa praedicant, nec baptismati,
sacrificio poenitentiae, uel alicui Christiano sacramento, quod
nunquam ullus, praeter hos haereticos, fecit, communicant. Summa uero
huius haeresis intentio est, ut Christus dominus, neque Deus, neque
Dei filius esse credatur : Sed licet magnus, Deoque dilectus, homo
tamen purus, et uir quidem sapiens, et propheta maximus. Quae quidem
olim diaboli machinatione concepta, primo per Arrium seminata, deinde
per istum satanam, scilicet Machumet, prouecta, per Antichristum uero
ex toto secundum diabolicam intentionem complebitur. Cum etiam dicat
beatus Hilarius, antichristi originem in Arrio extitisse. Dicit, quod
ille coepit, †
[30]
unum filium Dei Christum esse negando, et
creaturam esse dicendo : Antichristus tandem nullo modo illum Deum uel
Dei filium, sed nec etiam bonum hominem fuisse asserendo consummaturus
est.
[31]
Merito impiissimus Machumet inter utrunque medius a diabolo
prouisus ac praeparatus esse uidetur, qui et Arrii quodam modo
supplementum, et Antichristi peiora dicturi apud infidelium mentes
maximum fieret nutrimentum. Nihil quippe ita contrarium humani generis
inimico, sicut fides incarnati Dei :
[32]
per quem praecipue ad pietatem excitamur, et
sacramentis coelestibus renouati, spiritussancti gratia operante
illuc, unde nos deiecisse gloriabatur, ad uisionem scilicet regis et
patriae nostrae ipso rege et conditore nostro Deo ad nostrum exilium
descendente, nosque ad se meritum reuocante, iterum redire speramus.
Hanc pietatis et diuinae dispensationis finem, pariter et amorem,
simpliciter ab initio in cordibus hominum molitur extinguere. Hanc
etiam in principio adhuc nascentis Ecclesiae : si tunc permitteretur :
subtilitate uersutissima : et pene hoc eodem modo : quo postea gentem
istam infelicissimam seducere permissus est, eradicare tentauit.
[33]
Dicit etiam beatus Augustinus :
Porphyrium philosophum, postquam a Christianitate miserabiliter
apostatauit, hoc in libris suis, quos aduersus
[6]
Christianos edidit, retulisse, quod scilicet oracula deorum
consuluerit, et de Christo quid esset, interrogauerit.
[34]
Responsum uero a
daemonibus fuisse, quod Christus quidem bonus uir fuerit, sed
discipulos eius grauiter peccasse, qui ei diuinitatem adscribentes,
rem quam ipse de se non dixerat, confinxissent. Quae sententia pene
iisdem uerbis in istis fabulis inuenitur saepissime. Quanta autem haec
diaboli subtilitas extitit, ut de Christo aliquid boni diceret ? de
quo si ex toto male dixisset, nullatenus iam sibi credi sciebat, non
curans quicquid Christus putaretur, dummodo diuinitas, quae maxime
saluat homines, in illo non crederetur. Si quis plenius uult
intelligere, legat xviii. librum eiusdem patris Augustini, et xviiii.
de Ciuit. Dei, et primum de Consensu euangelistarum. Ibi enim si boni
ac studiosi ingenii est, coniiciet pro certo, et quid diabolus tunc
machinatus sit facere, sed non permissus : et quid tandem occulto
iudicio permittente, in hac sola miserrima gente fecerit relaxatus.
Nullo enim modo tales fabulas, quales hic scriptae sequuntur, aliquis
mortalium nisi diabolo praesentialiter cooperante, fingere potuisset.
Per quas post multa ridicula, et insanissima deliramenta, hic
praecipue omni modo Satanas intendit perficere, ne Christus Dominus
Dei filius et uerus Deus humani generis conditor et redemptor esse
credatur. Et hic est uere, quod per Porphyrium tunc persuadere
uoluit : sed per Dei misericordiam ab Ecclesia eo adhuc tempore
spiritussancti feruente primitiis exsufflatus, tandem miserrimo homine
isto Machumet, et ut fertur a multis, arrepticio et cadente, quasi
instrumento et organo sibi aptissimo usus, proh dolor gentem maximam,
et quae iam pene dimidia pars mundi reputari potest, secum in aeternam
perditionem dimersit. Quod quare isti permissum sit, ille solus nouit,
cui nemo potest dicere, cur ita facis ? et qui de multis uocatis
paucos electos esse dixit.
[35]
Unde ego magis
eligerem contremiscere, quam disputare.
[36]
Ista breuiter praenotaui,
ut qui legerit, intelligat. Et si talis est, qui contra totam haeresim
istam scribere et uelit et possit, cum quali hoste pugnaturus sit,
agnoscat. Erit fortasse adhuc, cuius spiritum Dominus suscitabit, ut
Ecclesiam Dei a magna, quam inde patitur, ignominia liberet.
[37]
Quia scilicet cum omnes siue
antiquas siue modernas haereses usque ad nostra tempora respondendo
confutauerit, huic soli quae super omnes alias tam in corporibus quam
in
[1] Primo negant trinitatem, et binarium constituunt in diuinitate.
[2] Legendum forte Alteritatis.
[3] Anima Dei.
[4] Christum ex patre agnoscunt.
[5] Antichristus a Christo conficiendus.
[6] Christiani doctrinam Christi amiserunt : quam ipse reducet.
[7] Iudicium nouissimum.
[8] Machumet quis, et quae doctrina eius.
[9]
[10] Anastasius bibliothecarius.
[11] Alcoran translatus auspiciis Abbatis Cluniacensis anno 1143.
[12] Arabes stupidi capiuntur facile imposturis.
[13] Religionis simulatio, aucupium egregium.
[14] Horrendum Dei iudicium spectatur in secta ista.
[15] Sergius Nestorianus Machumetis conspirator.
[16] Ignorantia diuinae scientiae in errorem adduxit Arabes.
[17] properando.
[18] Christus qualis a Machumete praedicatur.
[19] Resurrectio carnis.
[20] Iudicium extremum.
[21] Infernus.
[22] Paradisus.
[23] Circumcisio.
[24] Voluptatis magister Machumet.
[26]
[27] Imperitae multitudinis iudicio Machumet propheta declaratur.
[28] Romanorum deficiente imperio Machumet consurgit.
[29] † Hoc Germania, hoc totus orbis Christianus attende.
[30] † Verum, uel uerbum.
[31] Perpendite uiri Christiani, an illud depraehendatur in factitio Christi uicario.
[32]
Christi filii Dei incarnatio praecipue
diabolo aduersa. Magnum sacram.
etc.
[33]
[34] Machumet Christo filio Dei non plus tribuit quam diabolus.
[35] Qui stat, uideat ne cadat.
[36] Operemur salutem nostram cum timore et tremore, et ambulemus dum lux est.
[37] Operae precium cognoscere doctrinam impiam Machumetis.
[38] Petrus abbas Cluniacensis curauit magnis impensis, ut Latini legere possint res Saracenorum.